F1 Vettel zapton Sepangun
Sërish ai. Ashtu si në Australi, në garën që hapi sezonin, pole position-i për Çmimin e Madh të Malajzisë i ka shkuar Sebastian Vettel.
Por menjëherë pas Red Bullit të kampionit të botës në fuqi janë vendosur dy Ferrarit, me në krye atë të Felipe Massa, që në momentin e fundit i mori vendin e dytë shokut të skuadrës, Fernando Alonso.
Për një moment spanjolli ka qenë më i shpejti, por është djegur, përveçse nga shoku i skuderisë, nga gjermani që në xhiron e fundit ka qenë i vetmi që ka zbritur nën kohën 1’50” (1’49”674).
Provat zyrtare në cirkuitin e Sepangut janë shoqëruar me reshje shiu, që kanë përfshirë një pjesë të pistës. Ndërkohë, Massa e ka mbyllur xhiron e tij të fundit me kohën 1’50”587, ndërsa Alonso me 1’50”727.
Vendi i katërt ka qenë për Mercedesin e britanikut Lewis Hamilton, që i ka paraprirë Red Bullit të Mark Webber dhe shokut të skuadrës Nico Rosberg.
Koha e shtatë më e mirë ka qenë për Kimi Raikkonen me Lotus, i ndjekur nga Jenson Button, Adrian Sutil dhe Sergio Perez.
Tashmë, pa shijuar ende pole position-in, Vettel thotë se mendon për garën e nesërme. “Kur nisesh nga vendi i parë mund të arrish i pari, por në një garë kaq të gjatë nuk mund ta dish se cili do të jetë fati yt”, ka thënë piloti gjerman në një intervistë.
“Menaxhimi i gomave do të jetë jetike, shpresojmë të arrijmë flamurin me fushën e shahut me pozicionin që arritëm sot”, ka thënë kampioni, i cili është shprehur i kënaqur për arritjen në pistën me shi.
Por menjëherë pas Red Bullit të kampionit të botës në fuqi janë vendosur dy Ferrarit, me në krye atë të Felipe Massa, që në momentin e fundit i mori vendin e dytë shokut të skuadrës, Fernando Alonso.
Për një moment spanjolli ka qenë më i shpejti, por është djegur, përveçse nga shoku i skuderisë, nga gjermani që në xhiron e fundit ka qenë i vetmi që ka zbritur nën kohën 1’50” (1’49”674).
Provat zyrtare në cirkuitin e Sepangut janë shoqëruar me reshje shiu, që kanë përfshirë një pjesë të pistës. Ndërkohë, Massa e ka mbyllur xhiron e tij të fundit me kohën 1’50”587, ndërsa Alonso me 1’50”727.
Vendi i katërt ka qenë për Mercedesin e britanikut Lewis Hamilton, që i ka paraprirë Red Bullit të Mark Webber dhe shokut të skuadrës Nico Rosberg.
Koha e shtatë më e mirë ka qenë për Kimi Raikkonen me Lotus, i ndjekur nga Jenson Button, Adrian Sutil dhe Sergio Perez.
Tashmë, pa shijuar ende pole position-in, Vettel thotë se mendon për garën e nesërme. “Kur nisesh nga vendi i parë mund të arrish i pari, por në një garë kaq të gjatë nuk mund ta dish se cili do të jetë fati yt”, ka thënë piloti gjerman në një intervistë.
“Menaxhimi i gomave do të jetë jetike, shpresojmë të arrijmë flamurin me fushën e shahut me pozicionin që arritëm sot”, ka thënë kampioni, i cili është shprehur i kënaqur për arritjen në pistën me shi.