FA Cup, Mahrez bën Haalandin, City është finalisti i pare

Manchester City mbetet në garë për tripletën. Kampionati, por me detyrën për një rikthim të madh ndaj Arsenalit, gjysmëfinaliste me Real Madridin në Champions League, skuadra e Guardiolës është edhe finalisti i parë i FA Cup 2023. Në Ëembley, kundër Sheffield United tashmë të kënaqur, gjithashtu pranë rikthimit në Premier League, skuadra e Guardiolës fitoi 3-0 dhe tani është në pritje të fituesit të gjysmëfinales ndërmjet Brighton dhe Manchester United, të sapodalë nga eliminimi në Europa League.

Protagonisti i madh është Riyad Mahrez, i cili vendosi fatin e ndeshjes me një tripletë. Goli i parë erdhi në minutën e 43-të me një penallti që zhbllokoi ndeshjen pak para pushimit. Në pjesën e dytë vdekjeprurës me një “një-dy” në minutat 61 dhe 65,  gjëra të cilat jemi mësuar të shikojmë vetëm nga Haaland.

Chelsea, Arsenal, Bristol City, Burnley dhe sot Sheffield United, këta janë kundërshtarët e mundur nga Manchester City me rezultatin e përgjithshëm 17-0. Skuadra e Guardiolës është e para në historinë e futbollit anglez, që nga Evertoni në 1965/66, që arrin në finalen e FA Cup pa pësuar gol.