FOKUS – Gjermania autorizon Ukrainën të përdorë armët e furnizuara nga Berlini

BERLIN, 31 maj /ATSH-DPA/ – Qeveria gjermane ka autorizuar Ukrainën të përdorë armë të furnizuara nga Berlini kundër objektivave ushtarake në Rusi, njoftoi zëdhënësi i qeverisë gjermane, Steffen Hebestreit.

Në javët e fundit, Ukraina u ka bërë presion mbështetësve që të lejohen të përdorin armë të furnizuara nga Perëndimi për të goditur forcat ruse në territorin rus.

Disa vende të tjera, përfshirë Shtetet e Bashkuara të Amerikës, kanë marrë së fundmi masa të ngjashme për t’i dhënë Ukrainës më shumë liri veprimi në përdorimin e armëve të furnizuara nga Perëndimi.

Shumë vende perëndimore vendosin kushte për paketat e ndihmës ushtarake që e kufizojnë Ukrainën të përdorë armë të tilla vetëm në territorin ukrainas.

Këto kushte synonin të shmangnin një përshkallëzim me Rusinë dhe të parandalonin që aleatët e Ukrainës të përfshiheshin drejtpërdrejt në konflikt.

Por, Ukraina kohët e fundit pretendoi se forcat ruse po i shfrytëzojnë këto kufizime për trupat masive pranë kufirit dhe organizojnë sulme kundër territorit ukrainas./  /os/