FOKUS – Habeck: BE-ja duhet të përgatitet më mirë për konkurrencën me Kinën

BERLIN, 23 qershor /ATSH-DPA/ – Vendet anëtare të Bashkimit Europian duhet të bashkojnë forcat për t’i rezistuar konkurrencës nga Koreja e Jugut dhe Kina, deklaroi ministri gjerman i Ekonomisë dhe zëvendëskancelari Robert Habeck.

Në fund të një vizite katër-ditore në Azinë Lindore, Habeck tha se koncepti i “konkurrencës, në kuptimin më të ashpër të fjalës” e mundoi atë disa herë gjatë udhëtimit, si në Korenë e Jugut ashtu edhe në Kinë.

“Unë besoj se duhet të përballemi me këtë konkurrencë. Gjermania përdor edhe fjalën “konkurrencë”, me fjalë të tjera neglizhenca, përtacia, letargjia, inercia nuk janë alternativë,” tha Habeck.

Por ai paralajmëroi gjithashtu që të mos shkojmë në ekstreme.

Bashkëpunimi ishte gjithashtu i nevojshëm, dhe kjo do të thoshte të mos shiheshin të tjerët si kundërshtarë apo edhe armiq, por përkundrazi të zhvillonim mirëkuptim të ndërsjellë dhe të forconim njëri-tjetrin. /os/