FOKUS – Prokurori i GJPN-së kërkon urdhërarreste për Netanyahun dhe udhëheqësit e Hamasit

AMSTERDAM, 20 maj /ATSH-DPA/- Kryeprokurori në Gjykatën Penale Ndërkombëtare (GJPN) ka kërkuar urdhërarresti për kryeministrin izraelit Benjamin Netanyahu dhe udhëheqësit e lartë të grupit ekstremist palestinez Hamas për krimet e luftës të kryera në Izrael dhe Gazë.

Prokurori Karim Khan tha se ai po kërkon urdhër për Netanyahu dhe ministrin e tij të Mbrojtjes Yoav Gallant për krime të dyshuara lufte dhe krime kundër njerëzimit të kryera në Rripin e Gazës duke filluar më 8 tetor, një ditë pasi militantët e Hamasit filluan sulmin e tyre të paprecedentë ndaj Izraelit.

“Midis akuzave janë vrasja e civilëve si metodë lufte dhe drejtimi i qëllimshëm i sulmeve kundër një popullsie civile”, tha një deklaratë Khan.

Urdhëresat janë kërkuar gjithashtu për Yehya al-Sinwar, liderin e Hamasit në Gazë, së bashku me Mohammed Diab Ibrahim al-Masri, kreun e krahut ushtarak të grupit dhe Ismail Haniyeh, i cili ulet në krye të byrosë politike të Hamasit dhe shihet si udhëheqësi i përgjithshëm i grupit.

Khan tha se ata janë përgjegjës për vrasje, përdhunime, pengmarrje, tortura dhe akte të tjera çnjerëzore nga të paktën 7 tetori.//a.i/