FOKUS – Vendet e NATO-s rritën shpenzimet e tyre për mbrojtjen

BRUKSEL, 19 qershor /ATSH-AA/ – Sipas të dhënave të parashikuara për vitin 2024, shumica e vendeve të NATO-s kanë arritur objektivin për të ndarë më shumë se dy për qind të Prodhimit të Brendshëm Bruto (PBB) për mbrojtjen.

NATO publikoi një raport që përfshin parashikimet e vitit 2024 në lidhje me shpenzimet e mbrojtjes të vendeve aleate.

Sipas kësaj, shpenzimet e mbrojtjes të vendeve aleate arritën në 1,47 trilionë dollarë në total.

Shpenzimet më të larta të mbrojtjes janë bërë nga SHBA-ja, Britania e Madhe, Gjermania, Franca, Italia, Turqia, Holanda dhe Spanja.

Ndërsa vendi që ndau pjesën më të madhe të buxhetit për mbrojtjen, me 4,12 për qind është Polonia një nga vendet më të prekura nga lufta Rusi-Ukrainë.

Polonia e cila është fqinje me Bjellorusinë ku Rusia ka vendosur armë bërthamore, u pasua nga Estonia fqinji kufitar i Rusisë, me 3,43 për qind.

SHBA-ja u rendit pas Estonisë me 3,38 për qind.

Vetëm Belgjika, Kanadaja, Kroacia, Luksemburgu, Italia, Portugalia, Sllovenia dhe Spanja nuk arritën të përmbushin objektivin e NATO-s për të ndarë të paktën 2 për qind të PBB-së për mbrojtjen.

Ka tërhequr vëmendjen se Turqia ka lënë pas edhe Francën, një nga vendet që e arriti këtë objektiv.

Ky objektiv u përcaktua nga NATO në Samitin e Uellsit pas aneksimit të Krimesë nga Rusia në vitin 2014.

Pas luftës Rusi-Ukrainë që filloi në vitin 2022, Sekretari i Përgjithshëm i NATO-s, Jens Stoltenbergi u kushtoi rëndësi thirrjeve të tij për këtë çështje.

Në deklaratën e tij dje, Stoltenberg njoftoi se më shumë se 20 nga aleatët e NATO-s do të përmbushin objektivin prej 2 për qind këtë vit.

Ai theksoi se vetëm tre anëtarë të NATO-s investuan 2 për qind të PBB-së së tyre në mbrojtje në vitin 2014, kur u vendos objektivi./   /os/