FOTO/ Kush është ish-portieri shkodran që humbi jetën ditën e sotme

Një ngjarje e rëndë u regjistrua paraditen e sotme në qytetin e Shkodrës, ku një punonjës i internetit ndërroi jetë pasi ra në kontakt me energjinë elektrike.

38-vjeçari Arvjo Fishta po riparonte kabllot e internetit në një shtyllë elektrike, në momentin që ra në kontakt.

Viktima më parë ka qenë ish-trajner futbolli, ndërsa mësohet se ka lënë pas dy fëmijë.

Kush është Arvjo Fishta?

Ai ka lindur në Shkodër në vitin 1987 dhe që në moshë të vogel zgjedh të luajë futboll duke u angazhuar me ekipet zinxhir të Vllaznisë ku trajner ishte i mirënjohuri Ferid Borshi.

Kalimi në Superligë në moshën 17 vjeçare me ekipin e Laçit ishte një moment kyç në karrierën e tij, edhe pse Laçi ishte në një periudhë të vështirë dhe skuadra po përballej me largimin e disa lojtarëve titullarë.

Pas disa transferimeve në skuadra të tjera, përfshirë Shkumbinin dhe Turbinën, ai ka treguar gjithmonë angazhim dhe gatishmëri për të pasur një rol aktiv, pavarësisht se nuk ishte gjithmonë portieri i parë.

Dëmtimi i rëndë në gjunjë në moshën 20 vjeçare është një moment shumë i vështirë dhe shkatërrues për çdo sportist, por ai e pranoi dhe bëri një lëvizje të mençur për të kaluar në një rol tjetër, si trajner portierësh.

Me kalimin e viteve, ai zhvilloi një karrierë të dytë, si trajner, që e ka bërë të njohur jo vetëm për angazhimin në futbollin shkodran, por edhe për përkushtimin ndaj zhvillimit të të rinjve në këtë sport.