FSHF-MTKRS, afrohet paqja!

Lufta trevjecare ka marre dhe goditjen e fundit. Mes FSHF-se dhe MTKRS-se eshte arritur gjuha e perbashket: auditi do te kryet dhe statuti do te firmoset. Duart lajne njera-tjetren dhe te dyja se bashku lajne fytyren! Por, ne morine e ceshtjeve, vlen te theksohet se federata ka lejuar zhvillimin e auditit te brendshem vetem per fondet e MTKRS-se dhe asnje dosje me shume, ndersa ministria duket se eshte pajtuar me kete zgjidhje, pasi mund te dilte duarthate nga kjo beteje.
Eshte zedhenesja per shtyp ne MTKRS, Brikena Bozdo, qe ka konfirmuar per “KJ” terheqjen e pales-shtet, duke e tkurrur dosjen e majme ne vetem disa flete, qe kane te bejne me auditin e fondeve te derdhura nga ministria e linjes ne federate: “Auditi per fondet e shtetit do te vazhdoje, pra do te perfshihen vetem fondet e MTKRS-se”. Ndryshe nga pak dite me pare, kur ministri Pango kishte fshire nga lista auditin ne fondet e FIFA-s dhe UEFA-s, ministria eshte terhequr edhe me, duke kaluar tani nga faza sulmuese ne ate mbrojtese.
Nderkohe, nga federata vjen konfirmimi se do te lejohet auditi vetem per fondet e MTKRS-se, nese ministria do te firmose statutin e federates. Zedhenesi per shtyp i FSHF-se, Lysjen Nurishmi, tregon per gazeten se federata eshte e gatshme te bashkepunoje, por me nje kusht thelbesor. “Federata ka pranuar qe te zhvillohet auditi, por vetem per ate qe ka te beje me fondet e ministrise. Kjo, gjithnje, nese ne kembim MTKRS pranon te firmose statutin e FSHF-se, firme qe mungon prej muajsh dhe qe i eshte premtuar zv/presidentit te FIFA-s, Erzik, nga vete ministri Pango”, deklaron Nurishmi.
Statuti, njohja brenda kesaj jave
Statuti pritej te firmosej te henen ose te marten, por dicka e tille nuk ka ndodhur. Megjithate, burime nga Ministria e Sporteve bejne te ditur se njohja e statutit te Federates se Futbollit nga MTKRS eshte vetem ceshtje ditesh dhe se brenda kesaj jave, ministri Pango do te hedhe te zezen mbi te bardhe.