Fabregas i vendosur të fitojë Premier League

Kapiteni i Arsenalit, Cesc Fabregas, thotë se ai tashmë është më i vendosur se kurrë të fitojë titullin e Premier Ligës .
Mesfushori spanjoll pranon se Premier Liga është titulli më i vështirë për t'u fituar dhe do të bëjë gjithçka në fuqinë e tij për të ndihmuar topçinjtë të bëhen kampionë.
"Kam kuptuar çdo vit se sa e madhe është Liga Premier. Derisa rriteni qëllimi juaj është Liga e Kampionëve dhe Kupat e Botës. Por, sapo luani këtu, kuptoni se si fansat jetojnë për Premier Ligën ".
"Liga është vërtet konkurruese dhe më pëlqen shumë. Mendoj se në Angli, Liga Premier është më e madhja. Të gjitha top ekipet evropiane dëshirojnë t'i fitojnë ligat e tyre, por ajo angleze është më e vështira për t'u fituar. Dua ta fitoj atë tashmë, edhe më shumë se sa kur kam arritur së pari", ka thënë kapiteni i topçinjve.