Fadromisti sulmon policin ne makine

Ngjarja ndodhi dje rreth ores 0800 te mengjesit ne Kamze tek kryqezimi i Frutikultures. Shoferi i fadromes Bajram Koleci 43 vjec tashme i arrestuar ka goditur me koven metalike te fadromes makinen Shevrolet me mbishkrimin Policia Rrugore ne te cilen ndodhej oficeri i qarkullimit Seit Bajrami. Fillimisht ngjarja u interpretua sikur kishte ndodhur per shkak te detyres se policit rrugor gjate nje aksioni per shembjen e nje godine te ndertuar pa leje ne Kamze. Por hetimi i zhvilluar me pas sqaroi rrethanat e ngjarjes. Nga burime zyrtare te policise se kryeqytetit eshte mesuar se ne kohen kur ndodhi krimi ne Kamze nuk ishte lajmeruar asnje aksion per shembjen e ndonje ndertimi pa leje. Sipas policise se Tiranes ngjarja rezulton te kete ndodhur per shkak te nje konflikti personal mes oficerit te policise dhe fadromistit.
Policia
Policia e Komisariatit nr.5 e cila shkoi menjehere ne vendin e ngjarjes arrestoi ne flagrance shoferin e fadromes Bajram Koleci nga Hasi dhe banues ne Frutikulture te Kamzes. Ai akuzohet se ka kryer vepren penale shkaterrim te prones publike dhe mosbindje ndaj urdhrit te policise. Nga deklarimi qe Koleci ka dhene ne polici si dhe nga pretendimet e avokatit te tij rezulton se shoferi i fadromes para se te ndodhte incidenti ka pasur nje mosmarreveshje financiare. Sipas Kolecit ai dje i kishte kerkuar policit parate qe nuk i kishte dhene per punen e kryer me fadrome ne shtepine e oficerit ne Zall-Mner dy dite para ngjarjes. Sipas te arrestuarit pas debatit qe ai ka pasur me policin duke i kerkuar qe ti jepte parate per punen e kryer oficeri i kishte kerkuar dokumentet e fadromes. Ne kete moment shoferi e ka drejtuar fadromen nga polici dhe me koven e mjetit e ka shkaterruar makinen e Policise Rrugore.
DESHMIA E SHOFERIT
I arrestuar me dy akuza pas kallezimit qe ka bere ndaj tij oficeri i Policise Rrugore te Tiranes gjate deshmise ka hedhur poshte pretendimet e oficerit se ngjarja ka ndodhur per shkak te detyres. Seit Bajrami u mundua qe te merrte pozicionin e zyrtarit dhe te inskenonte nje incident qe me pas ta perdorte per arrestimin tim duke ngritur tabelen sikur po ushtronte detyren e policit rrugor. Por ne fakt ngjarja nuk ka ndodhur ashtu sic pretendon ai ne kallezimin qe beri ndaj meje pasi mes nesh kishte nje konflikt personal ka thene ne deklarimin e tij fadromisti Barjam Koleci. Sipas tij incidenti ka ndodhur per shkak se polici Seit Bajrami nuk e ka paguar per punen qe ai ka bere ne shtepine e tij madje ka shfrytezuar edhe detyren per te shmangur pagesen. Dy dite me pare te merkuren Seit Bajrami me kerkoi qe te shkoja te beja disa punime te shtepia e tij ne Zall-Mner dhe une pranova por duke i kerkuar 40 mije leke te vjetra per hakun e punes. Ai e anashkaloi kerkesen time duke me thene qe eshte polic dhe aq pune une mund ta beja edhe pa leke ka thene i arrestuari. Me pas ai ka shpjeguar se nje dite pas punimeve ne shtepine e tij polici i kishte thene se do ia jepte parate por ne te vertete edhe me pas nuk e ka shlyer detyrimin financiar. Sot dje ne mengjes une shkova per ti kerkuar parate e hakut te punes tek vendi ku ai po kryente sherbimin. Fillimisht pata nje debat me te pastaj ai hipi ne makine dhe me beri shenje qe te ndaloja e ti jepja dokumentet e fadromes. Ne nerva e siper une e godita makinen e policise por pa pasur ndonje qellim qe ta lendoja ate ka deshmuar ne polici i arrestuari Bajram Koleci. Oficeri Bajrami Nuk e njoh shoferin bera detyren time

TIRANE - Oficeri i Policise Rrugore te Tiranes i cili u sulmua dje me fadrome ka hedhur poshte pretendimet e dhena ne polici nga personi i arrestuar ne lidhje me ngjarjen. Nuk eshte aspak e vertete qe une atij njeriu i kam para borxh. Une ate njeri nuk e njoh fare u shpreh polici rrugor Seit Bajrami ne nje prononcim per gazeten Panorama. Sipas tij me pretendime te tilla po abuzohet sepse ai si oficer nuk e ka perdorur ne asnje rast uniformen e policise ne menyre qe persona te ndryshem ti benin favore. Polici rrugor Seit Bajrami pretendon se ne momentin kur ka ndodhur incidenti ai ka qene ne krye te detyres dhe po ushtronte vetem detyren si punonjes i qarkullimit rrugor. Une isha pozicionuar ne Kamze dhe isha ne detyre brenda ne makinen me targa dhe mbishkrim policia qe e kisha ndaluar ne ane te rruges. Ne moment pashe nje fadrome qe po levizte ne drejtimin tim dhe i bera shenje qe te ndalonte te verifikoja dokumentet pasi mjeti po levizte me shpejtesi. Drejtuesi i saj qe une nuk e njoh dhe as qe e kam takuar ndonjehere jo vetem qe nuk ndaloi por drejtoi koven e fadromes nga makina ku isha une dhe me goditi duke shkaterruar pjeserisht automjetin e Policise se Shtetit. Keshtu eshte shprehur dje pas ngjarjes polici Seit Bajrami ne nje prononcim per gazeten.

Etleva Delia