Fajdete, do cregjistrohet trojet e kompanive

Te gjithe trojet shteterore, mbi te cilat jane ndertuar objekte te firmave piramidale, dhe jane hipotekuar ne emer te tyre, do te cregjistrohen. Dje, qeveria shfuqizoi vendimin "Per regjistrimin e siperfaqeve te trojeve, ku jane kryer investime per ndertim objektesh, ne pronesi te shoqerive huamarrese". Ky vendim ishte marre ne vitin 2001 nga ish-kryeministri Ilir Meta dhe shfuqizimi i tij eshte argumentuar me faktin se te gjitha trojet jane regjistruar ne emer te kompanive, duke rritur ne menyre fiktive vleren e tyre. Gjate mbledhjes, Kryeministri Sali Berisha deklaroi se "me kete vendim ish-kryeministri Ilir Meta u dorezoi firmave rentiere si pronesi nje toke qe ato nuk e kishin kurre ne pronesi". Sipas tij, ky vendim u be per qellime perfitimi personal, duke u dhene pjeset me te bukura te bregut firmave rentiere dhe per t'jua marre me klanin e tij. Ne relacionin shoqerues te qeverise theksohen se "vendimi eshte nje veprim i paligjshem, pasi regjistrimi duhet te vinte si rezultat i nje veprimi juridik kalimi pronesie nga shteti te pronari privat. Keshilli i Ministrave nuk mund te marre vendime regjistrimi te nje prone te caktuar. Keshilli i Ministrave si pronar i prones shtet kryen veprime me pronen shtet, por regjistrimi i saj eshte subjekt i sistemit te regjistrimit te Pasurive te Paluajtshme, i cili funksionon mbi bazen e ligjit te regjistrimit". Tashme, pritet te kete ndryshime rrenjesore te pakten per sa i perket pronesise mbi keto troje, pasi ato jane ne disa prej vendeve me cmimet me te larta te tokes. Madje, gjate fjales se tij, Berisha e konsideroi vendimin e vitit 2001 te karakterit arbitrar, i marre jashte kompetencave ligjore te Keshillit te Ministrave, per te urdheruar regjistrimin ne pronesi te shoqerive huamarrese te siperfaqeve te trojeve ne pronesi te shtetit.

Procesi, i paqarte

Projektvendimi i qeverise nuk ka bere te ditur se cfare do te behet pas shfuqizimit te vendimit per hipotekimin e trojeve shteterore ne emer te kompanive huamarrese qe kane ndertuar objektet e tyre. Duke pasur parasysh vendndodhjen e tyre, perfitimet nga ky vendim mund te shkojne direkt ne xhepat e kreditoreve.

Kryeministri: Te nisin procedurat per fotografimin dixhital te zonave

Kryeministri Berisha pak jave me pare, ne nje mbledhje qeverie, kerkoi qe Agjencia e Legalizimit te niste procedurat per fotografimin dixhital te zonave ne vend. Keshtu, kreu i qeverise theksoi se ishte e domosdoshme qe vendi te fotografohej ne menyre dixhitale dhe aty me pas keto fotografi te perdoreshin per te pare nese ishin bere apo jo ndertime te reja. Nga ana tjeter, Berisha theksoi se fotografimi mund t'i sherbeje vendit edhe per nevoja te tjera dhe jo vetem per identifikimin e ndertesave informale.