Familja Golaj hap dyert e mortit per dy djemte
VLORE - Familjaret e Golajt dje kane folur per neglizhence ndaj shtetit. "Mire qe s'munden t'i gjenin te gjalle, por te na sjellin trupat e tyre te pakten". Kjo eshte kerkesa e dhimbshme e dhjetera te aferme te familjes. Ata hedhin akuza ndaj autoriteteve per ngathtesi ne veprimet e tyre dhe operacionin e shpetim-kerkimit te tre peshkatareve, si dhe i kane bere apel shtetit qe ne se nuk eshte gjetur dhe trupi tjeter jo vetem te vazhdojne kerkimet por dhe te intensifikohen me tej, per gjetjen e personit tjeter gjalle a vdekur, per te pasur nje varr se ku t'i qajne femijet e tyre, gruaja dhe te afermit. Ata kane hapur dyert, duke pritur njerezit per ngushellime. Dhe familja e Romeo Pulision ende nuk ka folur ne linje telefonike me te. Ata thone se nuk kane njoftim se ai vazhdon te jete ne spitalin per mjekim dhe nen mbikeqyrje te autoritete kroate. Nuk ka njoftim ne se te afermit e tij kane mberritur ne Kroaci apo jo. Nena e tij si dhe bashkeshortja shprehen se, jane ne ankth deri sa te komunikojne me Romeon sepse ende u duket si enderr. "Deri sa t'i degjoje zerin - thote nena e Romeos - jam ne merak per te". Ajo shpreh keqardhje dhe leshon lot per dy shoket e Romeos, dy vellezerit Golaj qe nuk paten fatin e te birit per t'i shpetuar gjalle kesaj tragjedie. "Lumturine e gjetjes se Romeos e perziej me dhimbjen e asaj nene dhe atyre femijeve e familjeve" thote ajo mes lotesh. "Me vjen shume keq se ishin shok te tim biri, njerez te mire e te qete duhet te kishin shpetuar" perfundon ajo. O. Hila