Familja Hysa, nga morti ne mort
Mengjesi i djeshem e ka gjetur qytetin e Beratit te vrenjtur dhe me nje qiell me re. Ndersa familjaret Hysa pergatiteshin per te percjelle per ne banesen e fundit tre viktimat e Farkes, nuk kane munguar dhe reshjet e shiut. Nje shi i imet, i bute ka shoqeruar gjithe ceremonine e varrimit te familjareve Hysa, por qindra qytetare beratas jane bere pjese e ketij morti, me gjithe motin e lagesht. Qe ne oret e para te mengjesit, lagjja "Vakef" ne dalje te qytetit te Beratit eshte kthyer ne vemendjen e te gjitheve. Dhomat e shtepise dykateshe, oborri dhe gjithe lagjja eshte mbushur me te aferm, miq dhe qytetare, te cilet kryejne ngushellimet dhe presin te behen pjese e ceremonise mortore. Momentet e fundit perpara nisjes se ceremonise jane dhe me te veshtira. Mbi tre arkivolet e trupave te pajete jane mbledhur me te afermit e familjes. Lule, lot, dhimbje dhe deshire per mos u ndare nga njerezit me te shtrenjte. Akrepat e ores shenojne 10:00, teksa nga shtepia Qamil e Refie Hyses dalin njeri pas tjetrit tre arkivolet me trupat e pajete. Kortezhi niset per ne varrezat e Suelasit, ne dalje te qytetit. Te afermit e familjes mundohen te mbahen ne kembe per t'i dhene lamtumiren e fundit Pellumbit, Majlindes dhe Albanit. Ceremonia ndiqet nga qindra qytetare, qe duan t'i qendrojne prane prinderve Hysa, familjareve dhe te mbijetuares se vetme te familjes, Romines.
E mbijetuara
Eshte vetem 17 vjece dhe po perjeton dhimbjen me te madhe te jetes se saj, humbjen e gjithe familjes. Qe pas ngjarjes se rende, gjendja e saj shendetesore ka qene e paqendrueshme. Humbja e njerezve me te dashur pas festes se ditelindjes se te vellait e ka shokuar dhe per asnje cast nuk mund te gjeje qetesi. Ndonese, ka qene nen kujdesin e mjekut gjate gjithe 24 oreve te fundit, vajza nuk mund te mungoje ne ceremonine e varrimit. E pazonja per te ecur, por me deshiren per t'i dhene lamtumiren e fundit njerezve me te shtrenjte, Romina niset per ne varreza, por nuk mund te qendroje gjate. Ndersa trupat e pajete te prinderve dhe vellait te vetem futen perjete ne dhe, Romina duket se ndihet fajtore qe eshte ende gjalle. Gjate kohes qe qendron prane varreve te familjareve, ajo thote mes dhimbjes dhe loteve: "Perse o Zot nuk me more dhe mua?". Familjaret mundohen ta mbajne ne kembe, por ajo nuk eshte ne gjendje te qendroje deri ne fund te ceremonise. E fshehur mes te afermve dhe nen rrobat e zeza, Romina largohet nga ceremonia, pasi nuk mund te rezistoje me gjate. Nje mjet i familjes e dergon ate prane repartit te urgjences, ku Romina merr ndihmen e pare me qetesues dhe serum. Pasi, merr ndihmen mjekesore, Romina kthehet serish ne shtepine e gjysherve te saj, ku tashme dhe do te jetoje ne mungese te prinderve.
Familja Blamo
Ndersa familjaret Hysa kryejne ceremonine e gjate mortore te tre pjesetareve ne familjen Blamo nis percjellja e dy viktimave te tjera. Pranvera dhe djali i saj, Erjoni, percillen mes lotesh nga banesa e tyre ne lagjen "Clirim" drejt varrezave te Burdulliasit. Ceremonia nisi ne oren 11:00 dhe dhjetera qytetare te Beratit u bene pjese e kesaj ceremonie mortore te dhimbshme.
Nga varrimi ne varrim
Ndersa perfundojne ceremonine e varrimit te Pellumbit, Majlindes dhe Albanit, familjaret Hysa nisen per ne nje tjeter mort. Thelleza dhe Arlind Spahiu jane dy viktimat e tjera te tragjedise, pjese e familjes Hysa ne Berat. Vajza e familjes Hysa se bashku me djalin e saj u be pjese e ditelindjes se Albanit, ku dhe humben jeten. Varrimi i tyre u zhvillua rreth ores 17:00, me qellim qe ne kete ceremoni te merrnin pjese dhe familjaret Hysa.