Familjet e varfra, 4 mije leke me shume

Masa e ndihmes ekonomike per vitin 2008 ka ardhur duke u rritur edhe kjo per shkak te uljes se numrit te perfituesve. Rreth 10 mije familje jane eliminuar nga skema e ndihmes ekonomike gjate vitit 2007. Keshtu, nese deri pak muaj me pare familjet e varfra te ndihmes ekonomike perfitonin me pak se 3 mije leke ne muaj, perkrahja sociale mujore u eshte shtuar deri ne 4 mije leke. E perkthyer ne shifra rezulton se jane 2 miliarde leke me shume, te cilat do te shkojne per 100 mije familje te tjera, qe vazhdojne te jene pjese e kesaj skeme.
Nga 470 inspektime te kryera ne zonat rurale dhe rajonale, ka rezultuar se 14 punonjes te njesive bashkiake apo komunale jane pushuar nga puna, pasi kane favorizuar dokumentacionin e parregullt te familjeve abuzuese me ndihmen ekonomike. Shifrat e larta te familjeve te perfshira ne skemen e ndihmes ekonomike dhe tendenca ne rritje per te hyre ne kete skeme eshte tregues i qarte se varferia eshte ulur kembekryq ne familjet shqiptare. Masa e percaktuar si dysheme e perfitimit te Ndihmes Ekonomike eshte 800 leke ne muaj, te cilat mund te perdoren vetem per te blere abonete e transportit urban ne Tirane, me cmimin aktual te saj.