Farmacite, kriteret e reja per kontratat me ISKSH

Farmacite, qe duan te lidhin kontrate me Institutin e Sigurimeve te Kujdesit Shendetesor, duhet te plotesojne 12 kritere. Sipas vendimit qe mori dje Keshilli Administrativ i ketij instituti, farmacite duhet te jene domosdoshmerisht te licencuara nga Ministria e Shendetesise dhe te plotesojne te gjitha kushtet teknike te ruajtjes se barnave. Gjithashtu, subjekti duhet te jete i regjistruar prane organit tatimor, si dhe duhet te kete nje llogari bankare. Nje kusht tjeter, qe ka vendosur Keshilli Administrativ i ISKSH-se eshte qe farmacia apo agjencia, qe do te lidhe kontrate per vitin e ardhshem, te kete gjendje jo me pak se 60 per qind te barnave sipas listes te barnave qe rimbursohen. Nga ana tjeter, drejtuesi teknik i farmacise duhet qe te drejtoje dhe te punoje vetem ne farmacine per te cilen eshte licencuar. Nje kusht tjeter ka te beje me kushtet frigoriferike. Keshtu, sipas ISKSH-se, farmacia qe aplikon per kontrate duhet te jete e pajisur me frigorifer per ruajtjen dhe tregtimin e barnave termolabile.