Ferguson lavdëron Mancinin

Sir Alex Ferguson ka lavdëruar menaxherin e rivalit të qytetit Manchester City, Roberto Mancini për mënyrën si është marrë me refuzimin e Carlos Tevezit për të luajtur në mesjavë.

Menaxheri i Manchester Unitedit nuk deshi të flet drejtpërdrejtë për Tevezin por tha se Mancini ka vepruar mirë ndaj incidentit.

“Mendoj se Mancini ka treguar fuqinë e karakterit të tij, fuqinë e autoritetit të tij dhe kjo është e rëndësishme. Në përvojën time si trajner, karakteri i fortë ka qenë i rëndësishëm dhe në një klub futbolli nuk ekziston askush më i rëndësishëm se trajneri”, tha Ferguson gjatë një konference për shtyp.