Fermerët interes për garancinë sovrane/ Kreditimi i bujqësisë, BSH takim me bankat, ministrinë e Bujqësisë dhe të Financave

Fermerët apo bizneset agro-përpunuese kanë shfaqur interes për të përfituar financim nga garancia Sovrane me vlerë 250 mln euro. Nisur nga kjo por edhe për të analizuar ecurinë e garancisë Sovrane Banka e Shqipërisë ka realizuar një takim me aktorët kryesorë.

Sipas ministrit të bujqësisë tashmë ka pasur një  rritje të  interesit dhe  aplikimeve që tregon  nevojën e sektorit për financim nga ky sektor .

Po ashtu në takim  u bë thirrje bankave që të intensifikojnë përpjekjet për orientimin e fermerëve drejt mundësive të pashfrytëzuara të financimit dhe investimit në sektorin bujqësor.

Ndër të tjera, takimi synoi gjithashtu edhe përcaktimin e masave konkrete për përmirësimin e aksesit në financim për fermerët, ndërmarrjet bujqësore dhe bizneset mikro, në përputhje me parimet e menaxhimit të kujdesshëm të rrezikut dhe stabilitetit financiar.

Ndërkohë, Qeveria do vazhdojë të mbështesë sektorin edhe nëpërmjet kanaleve të tjera, si skema kombëtare e bujqësisë, paketa fiskale si dhe rifillimi i IPARD III.