Festivali nderkombetar i Filmit edicioni IV me 27 gusht - 2 shtator

Për një javë, qyteti bregdetar i Durrësit do të kthehet në qendër të vëmendjes të opinionit publik pasi aty do të zhvillohet festivali ndërkombëtar i Filmit, një eveniment i cili shënon edicionin e tij të katërt në këtë qytet.

Dhe ku yje të kinemasë hollivudiane të kinemasë Italiane, Ballkanike dhe për herë të parë kinemasë turke do të shkelin në tapetin e kuq më 27 gusht deri më 2 shtator.

President nderi për këtë vit është zgjedhur regjisori i famshëm shqiptar, Dhimitër Anagnosti.

Siparin e festivalit do ta çelë filmi turk “Honey”, fitues i Ariut të Artë në festivalin e Berlinit.

Organizatoret bënë të ditur se i ftuari special i këtij vit është Francis Ford Coppula, aktoria italinane Cladiua Cardinale dhe Gabriel Garko.

Ndërkohe drejtori i qendrës kombëtare të kinematografisë, Artan Minarolli, thotë se ngjarje të tilla janë mjaft të rëndësishme.

Edhe këtë vit festivali do të sjellë seksionin e dokumentarit ndërkombëtar dhe të filmit të shkurtër.

Konkurrimi zyrtar konsiston në përzgjedhjen e 8 filmave të metrazhit të gjatë, të produksioneve më të reja evropiane, si dhe 6 filma në seksionin Ballkanik.

Ndërkaq, edicioni i 4-të i festivalit këtë vit do të nderojë aktorin e njohur shqiptar Vangjush Furxhi.

Për të dytin vit radhazi, Festivali i Filmit në Durrës do të prezantoje dhe çmimin për Studentin më të Mirë Shqiptar të Filmit me Metrazh të Shkurtër.

Një kulm i festivalit ndërkombëtar të Filmit sipas organizatorëve, mbetet tërheqja e turistëve.