Festohet Shën Gjergji, simbol i ndarjes nga dimri dhe ardhjes së verës

Në Shishtavec dhe fshatrat e tjerë të Gorës së Kukësit u festua dita e Shën Gjergjit, festë kjo që kremton fundin e dimrit dhe ardhjen e pranverës.

Një ditë më parë, më 5 maj, gjithë gratë në fshat zhvillojnë ritualin e mbledhjes së degëve të mështeknës dhe luleve.

Sa u përket festave tradicionale, sidomos në fshatra turistikë si Shishtaveci, synohet gjithashtu promovimi i bukurive natyrore.

Pjesë e festës së Shën Gjergjit ishin të pranishëm shumë emigrantë që zgjedhin vendlindjen për të festuar.

Të mbledhur në qendër të fshatit, krahas muzikës dhe kërcimit, u zhvillua edhe gara me kuaj.

Festa e Shën Gjergjit mbetet një nga ngjarjet më të rëndësishme kulturore për banorët e zonës, duke ruajtur gjallë traditat e hershme dhe duke forcuar lidhjen me natyrën, trashëgiminë dhe komunitetin.

Përmes këtyre festimeve, jo vetëm që përcillet kultura popullore, por nxitet edhe rikthimi i emigrantëve dhe zhvillimi i turizmit në këto treva të pasura me bukuri natyrore dhe histori.

Gazetare: Shkurte Elezaj

/rtsh.al/