Festohet kudo, pjesa veriore e Mitrovices hesht

Njevjetori i pavaresise u festua pothuajse ne te gjithe qytetet e Kosoves, me perjashtim te pjeses veriore te Mitrovices. Njesoj sikur vitin e kaluar, kur Kosova u shpall shtet i pavarur dhe sovran, edhe kete vit, e njejta atmosfere mbizoteroi neper rruget e vendit. Shumica e rrugeve kryesore neper keto qytetet jane bllokuar nga policia, qe po perkujdeset per sigurine e qytetareve, te cilet kane filluar nje dite me heret festen. Per dallim prej qyteteve te tjera, banoret e pjeses jugore te Mitrovices jane duke festuar njevjetorin e pavaresise, pa pjesen veriore te qytetit. Banoret e "Lagjes se Boshnjakeve", thone se frikesohen te festojne njevjetorin e pavaresise, pasi ekziston rreziku qe ne cdo moment te shperthej dhuna nderetnike. Edhe pse u shtuan masat e sigurise ne kete qytet, sipas policise gjendja vijoi e qete dhe nen kontroll. "Deri me tani gjithcka eshte duke shkuar mire dhe ne jemi te pergatitur per cdo situate", deklaroi dje zedhenesi i Policise, Besim Hoti. Per te shtuar dje me shume atmosferen festive, ne mesdite, ne shume qytete te Kosoves, nxenes te shkollave fillore e te mesme kane parakaluar me pelerina ne shenje te flamurit te Kosoves. Per mundesimin e qarkullimit sa me te lirshem te te gjithe kosovareve qe jane ne kryeqytet per festimin e pavaresise, Policia e Kosoves mori vendim qe prej dites se djeshme nga ora 8 e mengjesit te bllokoi trajektoret qe lidhin rruget: "Nene Tereza" nga semaforet kryesore deri tek "Hotel Grand"; rrugen "Garibaldi" deri tek kryqezimi me rrugen "Luan Haradinaj", rrugen "Luan Haradinaj" deri tek kryqezimi me rrugen "Migjeni", rrugen "Migjeni" deri tek kryqezimi me "Rrugen e UCK-se".