Fier, kompensimi i energjise nuk mberrin ne Patos

Rritja e cmimit te energjise e ka bere me te paperballueshme jeten per familjet e varfra ne qytetin e Patosit. Kjo pasi, familjet qe trajtohen me ndihme ekonomike ne Bashkine e Patosit kane kater muaj qe nuk e kane terhequr kompensimin ne fjale. Ky i fundit u lehteson atyre shlyerjen e energjise qe konsumojne. Te shqetesuar dhe ne krize financiare si dhe perballe shtimit te debive ndaj Filialit te KESH-it, lidhur me mospagesat e faturave, familjet e varfra ne kete qytet kane kerkuar ndihmen e bashkise per shperndarjen sa me shpejte te kompensimit qe u eshte premtuar me ligj. Ndersa te trajtuarit me asistence sociale kane shprehur pamundesine e tyre financiare per te perballuar pagesen e energjise qe konsumojne, pasi te ardhurat i kane teper te uleta. Nga ana tjeter, drejtori i departamentit ekonomik ne bashkine e qytetit eshte shprehur se qeveria nuk ka derguar fondin e kompensimit te energjise. Gjithashtu ai nuk jep afat per ardhjen e ketij fondi dhe deklaron se nuk eshte i qarte nese do te shperndahet e gjithe shuma qe u takon ketyre familjeve per te gjithe periudhen e munguar. Ne qytetin e Patosit jane rreth 680 familje qe trajtohen me ndihme ekonomike.. Ato jane perballur kete vit me nje renie te "rroges" se vogel qe u jep bashkia. Zyrtarisht nga drejtoria ekonomike e bashkise mesohet se ndihma per kete vit ka kapur masen 61 per qind dhe ajo qe ka ndryshuar ne krahasim me vitin e kaluar ka te beje me numrin e familjeve, te cilat jane ulur ndjeshem.

Xhemil Beharaj