Filma falas për fëmijët
Nga kjo fundjavë, fëmijët do të mund të shohin filma për moshën e tyre edhe pa paguar asnjë cent. Kino ABC ka ardhur me këtë ofertë që nga kjo fundjavë, për të vazhduar edhe fundjavave tjera me të njëjtën ofertë.
Filmi i parë që do të iu ofrohet fëmijëve gjatë dy ditëve është “Rio”.
“Rio” është aventurë-komedi, me kohëzgjatje 1 orë e 36 minuta. Ndërkohë filmi “Rio” është një film i animuar i metrazhit të gjatë nga autorët e filmave “Ice age”. Filmi komedi, me plotë aventura, flet për makaun i cili vjen në Rio de Zhaneiron e bukur. Makau mendon që është i fundit nga raca e tij. Por, kur kupton që ekziston edhe një makau tjetër, femër, ai ikën nga kafazi i tij dhe niset për në Rio. Por, dashuria nuk vjen në shikim të parë. Femra ishte ndryshe. Ajo ishte e rritur ndryshe dhe e pavarur, jo si Makau, që ishte i butë dhe i qetë. Por, duke u shoqëruar së bashku dhe duke jetuar bashkë për një kohë, ata mësojnë për miqësinë, për dashurinë dhe për trimërinë.
Në rolet kryesore janë: Jesse Eisenberg, Anne HathaWay, George Lopez, Tracy Morgan, Jemaine Clement, ndërsa regjia: Carlos Saldanha.
Ky film u shfaq të shtunën në orën 13:00 dhe 15:00, ndërkohë i njëjti termin do të jetë edhe sot (e diel).
Ndërsa në terminet e rregullta vazhdon të shfaqet premiera e filmit “Falja e Gjakut” . Fitues i çmimit Ariu i Argjendtë në Festivalin e Filmit në Berlin. “Falja e Gjakut” i takon zhanrit, dramë me kohëzgjatje: 1 orë 49 minuta.
Tema: Niku është një djalë 17 vjeçar në vitin e tij të fundit të shkollës së mesme në Shqipërinë Veriore. Ai fillon romancën e tij të parë me një vajzë nga klasa e tij dhe planifikon të hapë një internet kafe pas mbarimit të shkollës. Motra e tij, Rudina, një vajzë e zgjuar 15 vjeçare dëshiron të shkojë në kolegj. Kur një konflikt lokal mbi një copë toke rezulton në akuzimin e babait të tyre Markut për vrasje, familja futet në një armiqësi gjaku vdekjeprurëse. Ligjet e Kanunit, kodit të vjetër ligjor ballkanik, detyrojnë Nikun, vëllanë e tij 7 vjeçar dhe anëtarët e tjerë meshkuj të familjes, që të mbyllen në shtëpi pothuajse sikur në arrest shtëpiak. Marku, duke u fshehur në male dhe Niku i detyruar të rrijë në shtëpi, familja duhet të mbështetet tek Rudina, e cila duhet ta lë shkollën dhe të marrë përsipër biznesin e Markut në mënyrë që të sigurojë familjen. Përderisa Rudina lulëzon në përgjegjësitë e saj të reja, zhgënjimi dhe zemërimi i Nikut nga izolimi e detyrojnë atë që të provojë të përfundojë armiqësinë gjakësore, edhe pse mund t’i kushtojë me jetë.
Në rolet kryesore: Tristan Halilaj, Refet Abazi, Zana Hasaj, Luan Jaha, Çun Lajçi, Veton Osmani, Selman Lokaj, Sindi Lacej, Ilire Vinca Çelaj, etj.
Regjia: Joshua Marston. Skenari: Andamion Murataj. Ndërsa filmi shfaqet në terminët 18:00, 20:00 dhe 22:00.