Filmonte video në Tik Tok duke lëvizur me makine në trotuar / Gjobitet qytetari në Berat
Një drejtues automjeti është gjobitur me 60 mijë lekë nga Policia Rrugore në Berat, pasi u filmua duke lëvizur me makinë mbi trotuar.
Pamjet e shkeljes së rëndë u publikuan në rrjetin social TikTok, ku shihet automjeti teksa qarkullon në një zonë të frekuentuar nga këmbësorët.Pas publikimit të videos, Policia Rrugore e Beratit nisi verifikimet për identifikimin e drejtuesit të mjetit.
Shoferi, i identifikuar me inicialet I. L., u shoqërua në komisariat, ku iu nënshtrua procedurave të mëtejshme.