Flamuri palestinez u ngrit në selinë e UNESCO-s
Flamuri palestinez u ngrit për herë të parë mbi selinë e UNESCO-s në Paris.
Presidenti palestinez, Mahmud Abass ndoqi ceremoninë, vetëm disa javë pasi Palestina fitoi anëtarësimin në UNESCO, që ishte agjencia e parë e OKB-së e cila pranoi Palestinën si një anëtare të plotë.
Palestina u pranua pas një votimi më 31 tetor, një veprim që nxiti SHBA-të të ndërpresë fondet për këtë agjenci.
Palestinezët gjithashtu janë duke kërkuar anëtarësimin e plotë në OKB, por Washingtoni ka kërcënuar të vërë veton ndaj një lëvizje të tillë, duke thënë se para kësaj duhet të arrihet një marrëveshje me Izraelin.