Flamurtari – Shkumbini 1-1. PaqeTrajneri peqinas Gugash Magani nuk e fitoi dot sfidën me skuadrën e qytetit të tij e që e drejtoi këtë sezon në dy javët e para.
Rrjetet sociale:
Flamurtari e Shkumbini ndanë nga një pikë në barazimin 1-1 në Vlorë, në takimin e vlefshëm për javën e 8-të të Kategorisë Superiore.
Shkumbini i drejtuar nga Kristaq Mile kaloi në avantazh i pari me anë të kapitenit Roland Dervishi në minutën e 9-të.
Për vlonjatët e Gugash Maganit barazoi me penallti Devis Mema në minutën e 28-të.
Kurioziteti i këtij takimi ka të bëjë me trajnerin peqinas Gugash Magani, i cili nuk e fitoi dot sfidën me skuadrën e qytetit të tij e që e drejtoi këtë sezon në dy javët e para.
Flamurtari vazhdon të mbetet i fundit në renditje me 7 pikë në 8 ndeshje, po aq sa Vllaznia e Gramozi.
Shkumbini nga ana e tij, u ngjit në kuotën e 8 pikëve, duke mbajtur vendin e 9-të.
Në ndeshjen tjetër të ditës së diel (ora 13:00), Skënderbeu e Dinamo u ndanë po në barazim 1-1.
Blutë e Shkëlqim Muçës shënuan shumë shpejt me anë të argjentinasit Rafael Alfredo Soza në minutën e 4-t.
Korçarët e drejtuar nga Gerti Haxhiu barazuan me anë të 21-vjeçarit Erlis Frashëri në minutën e 26-të.
Të hënën do të luhet edhe ndeshja e fundit e javës së 8-të të Kategorisë Superiore, Besa-Apolonia (14:30).
Kategoria Superiorë
Java e 8-të
Të shtunën, 24 tetor
14:00 Laçi-Vllaznia 3-1
Shënues: 50’ Arlind Nora, 63’ Emiljano Veliaj, 70’ Valdano Nimani/ 82’ Fetim Kasapi
14:30 Gramozi-Kastrioti 0-0
14:30 Tirana-Teuta 1-0
Shënues: 76’ Gjergji Muzaka, 90’ Bledar Devolli
Të dielën, 25 tetor
Skënderbeu-Dinamo 1-1
Shënues: 26’ Erlis Frasheri / 4’ Rafael Alfredo Soza
Flamurtari-Shkumbini 1-1
Shënues: 28’ (p) Devis Mema/ 9’ Roland Dervishi
RENDITJA
1 Dinamo 8 20
2 Besa* 7 17
3 Apolonia* 7 15
4 Teuta 8 12
5 Tirana 8 11
6 Skënderbeu 8 10
7 Kastrioti 8 8
8 Laçi 8 8
9 Shkumbini 8 8
10 Gramozi 8 7
11 Vllaznia 8 7
12 Flamurtari 8 7
* Nje ndeshje me pak
Numri i klikimeve - 13
E Diele, 25 Tetor 2009