Fleta e votimit, PS e 29-ta, PD e 43-ta (por shorti shkakton debat në KQZ)

Renditja e forcave politike në fletët e votimit të zgjedhjeve të 23 qershorit ka shkaktuar debate në Komisionin Qendror të Zgjedhjeve.

Mënyra se si do të përcaktohej përzgjedhja e forcave politike ka shkaktuar debate mes përfaqësuesve të Partisë Socialiste dhe Partisë Demokratike.

Genc Gjonçaj, përfaqësuesi i PS-së, ka kërkuar që procedura ti referohej Kodit Zgjedhor, çka do të thotë që për miratimin si akt normativ duheshin pesë vota të anëtarëve të Komisionit Qendror të Zgjedhjeve.

Sipas Gjonçajt, procedurat e hedhjes së shortit nuk mund të  miratohen me katër vota dhe ka kërkuar që shorti të hidhet sipas rregullave të Kodit Zgjedhor.

Por përfaqësuesit e mazhorancës në KQZ kanë vlerësuar se për këtë procedurë duhej vetëm një akt i thjeshtë, që mund të miratohej me 4 vota, pasi bëhej fjalë vetëm për procedurat e  këtyre zgjedhjeve.

Vera Shtjefni, por dhe Njazi Kosovrasti, e kanë cilësuar votimin si një akt të thjeshtë, që mund të kalohej në votim dhe me pjesëmarrjen e katër anëtarëve në KQZ-së.

Përcaktimin me akt të thjeshtë e jep vetë Kodi Zgjedhor dhe ky është rast tipik me natyrën individuale, pra jo normativ për hedhjen e shortit për renditjen e subjekteve në fletës, tha Shtjefni.

Kaq ka mjaftuar që Komisioni Qendror i Zgjedhjeve të vendosë që  renditja e forcave politike në fletën e votimit të vendoset pas hedhjes së shortit.

Nga shorti mesohet se Partia Socialiste do të mbajë numrin 29 në fletën e votimit, ndërsa Partia Demokratike numrin 43.

Renditja e subjekteve në fletën e votimit për zgjedhjet e 23 qershorit:

Partia Lidhja për Drejtësi dhe Progres

Partia Popullore Kristian Demokrate

Koalicioni Aleanca për Shqipërinë Europiane

Koalicioni Aleanca për Punësim, Mirëqenie dhe Integrim

Aleanca Kuq e Zi

Fryma e Re Demokratike