Fluturon 12 mijë km për të kuruar pickimin e bletës

Ndodh kështu kur je i dashuri i Elton John. Partneri i tij, David Furnish, duket se i ka shumë qejf aeroplanët pasi ka udhëtuar 12 mijë kilometra për një trajtim special pasi e kishte pickuar një bletë.

Furnish mori avionin personal të John në Australi dhe shkoi deri në Los Angelos për shkak se nuk e duronte ënjtjen e krijuar pas pickimit të insektit. Mediat rozë u çmendën pasi menduan se ai ishte sëmurë rëndë. Por zëdhënësi i Elton John tha se ishte thjesht një pickim blete. Furnish është shumë mirë, tha zëdhënësi i John. Megjithatë, vetë këngëtari ishte shqetësuar aq shumë, sa kishte në plan të shtynte turin në Australi, që të ishte pranë dashurisë së tij, që po vuante kaq shumë.