Forcohet leku, euroja zbret në 93,53 lekë
TIRANË, 31 korrik /ATSH/ Monedha europiane ka shënuar një tjetër nivel të ulët në tregun vendas, duke u këmbyer sot me 93,53 lekë, sipas kursit zyrtar të Bankës së Shqipërisë.
Euroja e ka mbyllur muajin korrik në nivelin më të dobët të viteve të fundit, ndërsa që nga fillimi i vitit, kursi i euros ka rënë me 3,3%, ndërsa me bazë vjetore rënia ka arritur në 4,1%.
Zhvlerësimi i euros është thelluar gjatë muajve të fundit, veçanërisht me afrimin e sezonit turistik veror, si pasojë e rritjes së hyrjeve valutore në vend nga turizmi dhe aktivitetet e tjera ekonomike.
Për të administruar luhatjet e kursit të këmbimit dhe për të frenuar një forcim të mëtejshëm të lekut, Banka e Shqipërisë ka ndërhyrë në tregun valutor përmes blerjeve të valutës.
Rezerva valutore në vend ka arritur në 7,8 miliardë euro në fund të qershorit 2026, duke u rritur me rreth 1,1 miliardë euro krahasuar me qershorin e vitit të kaluar, kur ishte 6,7 miliardë euro.
| Monedha kryesore | Lekë për njësi të monedhës së huaj | |||
|---|---|---|---|---|
| Dollar Amerikan | USD | 81.28 | -0.37 | |
| Euro | EUR | 93.53 | -0.04 | |
| Poundi Britanik | GBP | 109.33 | +0.15 | |
| Franga Zvicerane | CHF | 100.59 | +0.36 | |
| Jeni Japonez (100) | JPY | 50.87 | +0.91 | |
| Dollari Australian | AUD | 57.16 | +0.27 | |
| Dollari Kanadez | CAD | 58.01 | -0.09 | |
| Korona Suedeze | SEK | 8.52 | +0.04 | |
| Korona Norvegjeze | NOK | 8.53 | +0.01 | |
| Korona Daneze | DKK | 12.52 | 0.00 | |
| SDR | SDR | 110.60 | -0.10 | |
| Ari(OZ 1) | XAU | 329275.03 | -2,659.16 | |
| Argjend(OZ 1) | XAG | 4708.06 | -11.83 | |
| Juani Kinez (onshore) | CNY | 12.04 | -0.05 | |
| Juani Kinez (offshore) | CNH | 12.04 | -0.05 | |
| Lira Turke | TRY | 1.71 | -0.01 | |
/e.xh/a.f/r.e/