Formula 1, Sebastian Vettel triumfon në Bahrein
Sebastian Vettel ishte i pakapshëm në shkretërirë, duke regjistruar në mënyrë spektakolare fitoren e dytë të sezonit, në garën e Bahreinit. I nisur i dyti, kampioni i trefishtë i botës u parakalua në nisje nga Alonso, por brenda pesë xhirosh arriti të kalonte spanjollin e Ferrarit dhe Rosbergun e nisur i pari.
Që prej këtij momenti, gjermani me Red Bullin e tij dominoi tërësisht garën, duke kryesuar deri në fund.
Një garë për tu harruar kjo për Ferrarin, që pas një nisje të mirë, u godit nga probleme teknike që kufizuan Alonson në vendin e tetë dhe Massan jashtë zonës së pikëve.
Spanjolli, që vinte i motivuar në Bahrein pas suksesit të Kinës, pati një problem në sistemin përshpejtues DRS në xhirot e para, duke e patur të pamundur përdorimin e tij gjatë të gjithë garës.
E mrekullueshme dita e Renault, me Raikkonen që vazhdon të konfirmohet si një pretendent për titullin në vendin e dytë dhe shokun e skuadrës, Grosjean, në shkallën e ulët të podiumit. Surprizë Di Resta me Force India në vendin e katërt, ndërsa Hamilton, i pesti, parapriu një grup prej pesemakinash (Perez, Webber, Alonso, Rosberg e Button), që dueluan gjatë të gjithë garës për tu renditur sa më lart.
Renditja e dhjetë pozicioneve të para që fitojnë pikë nga gara e Bahreinit
1 Sebastian Vettel Red Bull
2 Kimi Räikkönen Lotus 9s3
3 Romain Grosjean Lotus 191
4 Paul di Resta Force India 214
5 Leëis Hamilton Mercedes 310
6 Sergio Pérez McLaren 330
7 Mark Webber Red Bull 330
8 Fernando Alonso Ferrari 340
9 Nico Rosberg Mercedes 400
10 Jenson Button McLaren 490
21 prill 2013 (gazeta-Shqip.com)
Formula 1, Sebastian Vettel triumfon në Bahrein burimi: Gazeta S H Q I P Gazeta SHQIP Abonohuni me Email