Fotografi i botës së egër – Blerim Gjoci prej 2019-ës është fotograf i kafshëve të egra
Blerim Gjoci nga Gjakova, prej vitit 2019 është fotograf i botës së egër, që pasqyron foto dhe video nga bjeshkët e Kosovës.
“Prej 2019 jam aktiv gjatë të gjithë kohës, jam marrë me natyrë gjithmonë si alpinizëm dhe shëtitje të lirë. Kosova ka bukuri të jashtëzakonshme të botës së egër dhe është një mungesë e pasqyrimit të këtij lloji”, u shpreh fotografi, Blerim Gjoci.
Qëllimi i tij është të shfaq jetën e kafshëve në natyrë duke i publikuar në rrjete sociale, por duke i bërë pjesë e arkivit të shtetit. Fotografi i njohur ndër kafshët më të rralla që ka fotografuar veçon rrëqebullin.
Gjoci tregon që kohëve të fundit bjeshkët kanë një mungesë të kafshëve të egra, ku numri i tyre ka ardhur duke u reduktuar.
Puna që bën sot ka një interes të lartë dhe kuriozitet se çfarë ndodh me natyrën për të gjithë ata që duan kafshët e egra. Më shumë se punë e bën dhe për pasion, duke parë se Blerimi ka krijuar një lidhje me natyrën dhe kafshët që jetojnë në të.
/RTSH/