Franca legalizon vdekjen e asistuar, Asambleja Kombëtare miraton ligjin e ri

Parlamenti francez ka kaluar përfundimisht legjislacionin e shumëdebatuar që lejon përfundimin e asistuar të jetës. Ky vendim shënon një ndryshim historik në kuadrin ligjor francez mbi të drejtat e pacientëve në fundin e jetës dhe përmbush një nga angazhimet kryesore elektorale të administratës aktuale.

Në një seancë të mbajtur këtë të mërkurë, Asambleja Kombëtare i hapi dritën jeshile ligjit të ri me një diferencë të ngushtë votash, duke reflektuar ndarjen e thellë politike dhe shoqërore mbi këtë çështje.

Sipas të dhënave zyrtare të raportuara nga seanca parlamentare në total, 291 deputetë votuan pro dhe 241 kundër.

Nisma politike bazohet drejtpërdrejt në platformën e rizgjedhjes së kreut të shtetit francez dhe synon t’u ofrojë qytetarëve një kornizë të re ligjore për një fundjete dinjitoz.

Siç theksohet në raportimin e ngjarjes, ky miratim zyrtarizon krijimin e një ‘të drejte për ndihmë gjatë vdekjes’, një premtim i përfshirë në programin e mandatit të dytë të Emmanuel Macron.

Me këtë votim, Franca i bashkohet një grupi të ngushtë shtetesh evropiane që kanë legjislacion të miratuar për asistencën në vdekje, duke vendosur rregulla dhe kritere të reja mjekësore e ligjore për zbatimin e kësaj të drejte.

/rtsh.al/