Fundi i historisë së Batmanit do të jetë fantastik

Regjisori i filmit "Dark Knight Rises", Christopher Nolan, zbulon se pjesa e tretë e trilogjisë së Batmanit, në mënyrë të përsosur do të rrumbullakojë historinë e pasanikut Bruce Wayne, i cili maskohet për të luftuar krimin.

Në një intervistë për revistën "Total Film", Nolan tha se në filma gjithmonë u përpoq të përqendrohet në zhvillimin e karakterit të Batmanit, të cilin shumë mirë e aktron Christian Bale.

“Historia ime në lidhje me superheroin legjendar bazohet gjithmonë në Bruce Wayne. Në filmin e fundit, shikuesit i kemi lënë në mëdyshje, kur bëhet fjalë për historinë e tij, ndërsa me filmin e tretë, jemi munduar që ta përfundojmë atë. Kemi xhiruar një fund madhështor për të cilin tashmë shumë vite ne po mendojmë dhe jemi të lumtur për mënyrën se si e dërguam deri në fund tërë këtë histori”, ka thënë Nolan.

"Dark Knight Rises" arrin në kinematë botërore më 20 korrik dhe do të jetë pjesa e tretë dhe e fundit e trilogjisë, në regji të Christopher Nolan. Për të tretin dhe me shumë gjasa të fundit, në rolin e Batmanit ne do të shohim Christian Bale, ndërsa Liam Neeson do të kthehet si Ra's Al Gul dhe Anne Hathaway do të aktrojë femrën mace.