“Fuqia jonë, planeti ynë” – 22 Prilli, Dita Botërore e Tokës

Data 22 Prill shënon Ditën Botërore të Tokës. Çdo vit, miliona njerëz në mbarë globin mblidhen për të shënuar Ditën e Tokës dhe për të festuar lëvizjen mjedisore.

Dita e Tokës është një ngjarje globale e cila synon të nxjerrë në pah rëndësinë e mbrojtjes së mjedisit.

Ajo u krijua në 1970 nga Gaylord Nelson, një senator dhe ambientalist amerikan dhe Denis Hayes, një student i diplomuar në Universitetin e Harvardit.

Të dy kishin shqetësime në rritje për dëmtimin mjedisor në SHBA, si ai i shkaktuar nga një derdhje e madhe nafte në vitin 1969 në Santa Barbara, Kaliforni.

Ata dolën me vendosjen e Ditën e Tokës si një mënyrë për të angazhuar publikun dhe për të shtyrë çështjet e gjelbra në agjendën kombëtare.

Kjo ditë u bë një ngjarje globale në vitin 1990 dhe tani përfshin më shumë se një miliard njerëz të të gjitha moshave në gati 200 vende.

Çfarë po ndodh për Ditën e Tokës 2025?

Tema zyrtare për vitin 2025, “Fuqia jonë, planeti ynë”, fokusohet në energjinë e rinovueshme.

Ngjarjet e mëparshme kanë mbuluar një sërë çështjesh mjedisore, duke përfshirë ndryshimin e klimës, ndotjen plastike dhe mbrojtjen e specieve.

Këtë vit, organizatorët po bëjnë thirrje që prodhimi i energjisë elektrike në mbarë botën nga burime të rinovueshme, si era dhe dielli të trefishohet deri në vitin 2030.

/rtsh.al/