Fushë Krujë, autoboti me naftë përmbyset në rrugë, vdes shoferi

Foto ilustruese

Një aksident me vdekje ka ndodhur gjatë orëve të para të mëngjesit të ditës së sotme, në Fushë-Krujë.

Ngjarja ka ndodhur në  afërsi të urës së Gjolës, ku një autobot me naftë është përmbysur në rrugë. Për pasojë ka humbur jetën drejtuesi i mjetit, Spiro Kumaraku, 64 vjeç, nga Ura Vajgurore.

Në vendngjarje kanë mbërritur menjëherë policia dhe forcat e zjarrfikësve, të cilët kanë nxjerrë trupin e shoferit të autobotit.

Aksidenti ka shkaktuar bllokimin e rrugës Fushë Krujë Vorë. Dyshohet që aksidenti të ketë ardhur si pasojë e përgjumjes së drejtuesit të mjetit.  / G.N.