GJERMANI – Pistorius: Reduktimi i trupave amerikane nuk është surprizë

MUNSTER, 4 maj /ATSH-DPA/- Ministri gjerman i Mbrojtjes, Boris Pistorius, ka bërë thirrje për qetësi pas njoftimit të Donald Trump për reduktimin e trupave amerikane në vend, duke theksuar se zhvillimi nuk është i papritur dhe nuk cenon kapacitetet e NATO.

Gjatë një vizite te trupat e Bundeswehr-it në Munster, Pistorius u shpreh se vendimi duhet parë në kontekst dhe se vetëm koha e shpalljes mund të konsiderohet e papritur. Ai shtoi se edhe nëse tërhiqen rreth 5 000 trupa, kjo nuk do të ndikojë në aftësinë mbrojtëse të aleancës.

Deklaratat vijnë pas kritikave të ashpra të presidentit Trump ndaj kancelarit Friedrich Merz lidhur me komentet për pozicionin e Iranit në negociatat me SHBA-në.

Ndërkohë, raportime të medies  sugjerojnë se Pentagoni ka hequr dorë nga planet për vendosjen në Gjermani të një njësie për menaxhimin e raketave me rreze të mesme.

Dy vite më parë, gjatë një samiti të NATO, ish-presidenti Joe Biden ishte zotuar për dislokimin e raketave konvencionale me rreze të mesme në Gjermani, si një masë parandalimi ndaj Russia.

Pistorius gjithashtu bëri thirrje për përshpejtimin e prodhimit të sistemeve të armatimit të financuara nga fondi special prej 100 miliardë eurosh i Bundeswehr-it, i krijuar në vitin 2022, i cili tashmë është pothuajse i angazhuar plotësisht. /Ad.Ab./ a.jor.