GND vendos sot për përfundimin e mbikëqyrjes
PRISHTINE - Grupi Ndërkombëtar Drejtues (GND) pritet që sot në Prishtinë, të marrë vendim për përfundimin e mbikëqyrjes ndërkombëtare të pavarësisë së Kosovës.
Ky grup, përbëhet nga 23 shtete evropiane, Shtetet e Bashkuara dhe Turqia. Të gjitha vendet anëtare të GND-së e kanë njohur pavarësinë e Kosovës.
Qëllimi i këtij grupi ishte implementimi i plotë i Propozimit Gjithëpërfshirës për Zgjidhjen e Statusit të Kosovës, dokument ky që ishte përgatitur nga i dërguari special i OKB-së, Marti Ahtisari, më 26 mars të vitit 2007.
Zyrtarët e lartë vendas dhe ndërkombëtarë kanë vlerësuar se kjo është një ditë jashtëzakonisht e rëndësishme për Kosovën. Deklarata e Pavarësisë së Kosovës u shpall më 17 shkurt 2008.
Tashmë, Kuvendi i Kosovës e ka miratuar pakon e ndryshimeve kushtetuese, me të cilat shpallet përfundimi i mbikëqyrjes ndërkombëtare të pavarësisë.
Në takimin e nesërm pritet edhe vendimi për mbylljen e Zyrës Ndërkombëtare Civile.
(er.nu/BalkanWeb)
Ky grup, përbëhet nga 23 shtete evropiane, Shtetet e Bashkuara dhe Turqia. Të gjitha vendet anëtare të GND-së e kanë njohur pavarësinë e Kosovës.
Qëllimi i këtij grupi ishte implementimi i plotë i Propozimit Gjithëpërfshirës për Zgjidhjen e Statusit të Kosovës, dokument ky që ishte përgatitur nga i dërguari special i OKB-së, Marti Ahtisari, më 26 mars të vitit 2007.
Zyrtarët e lartë vendas dhe ndërkombëtarë kanë vlerësuar se kjo është një ditë jashtëzakonisht e rëndësishme për Kosovën. Deklarata e Pavarësisë së Kosovës u shpall më 17 shkurt 2008.
Tashmë, Kuvendi i Kosovës e ka miratuar pakon e ndryshimeve kushtetuese, me të cilat shpallet përfundimi i mbikëqyrjes ndërkombëtare të pavarësisë.
Në takimin e nesërm pritet edhe vendimi për mbylljen e Zyrës Ndërkombëtare Civile.
(er.nu/BalkanWeb)