Gati shkolla e re “Avni Rustemi” në Tepelenë, Rama: Me standardet më të mira

TIRANË, 25 mars/ATSH/ Shkolla e re “Avni Rustemi” në Tepelenë pas rikonstruksionit është gati të hapë dyert me standarde më të mira.

Kryeministri Edi Rama ndau në rrjetet sociale pamje nga godina e përfunduar.

“Me shkollën e rilindur “Avni Rustemi” në Tepelenë, e cila hap dyert për nxënësit dhe mësuesit me standardet më të mira, me klasa të reja, laboratorë e terrene sportive moderne, falë investimit të Ministrisë së Arsimit dhe Sportit dhe Bashkisë së Tepelenës”, shkruan Rama në rrjetet sociale.

Projekti i rikonstruksionit të shkollës “Avni Rustemi” përfshiu një rinovim të plotë të objektit, duke përfshirë 14 klasa mësimore, 3 laboratorë, bibliotekë dhe ndërtimin e palestrës së re.

Përveç kësaj, shkolla “Avni Rustemi”  shërben edhe si Qendër Komunitare, duke luajtur një rol kyç në zbatimin e projekteve të ndryshme në bashkëpunim me komunitetin lokal.

1 nga 14