“Gati të nisë puna për portin turistik të Sarandës, së shpejti edhe ndërtimi i aeroportit

Krymenistri Edi Rama tha sot gjatë një bashkëbisedimi me qytetarë në Sarandë, se një prej investimeve më të rëndësishme në qytet do të jetë porti i jahteve.“Porti i Sarandës është gati, i ka marrë të gjitha lejet dhe do fillojë puna për ta transformuar në port turistik”, tha zoti Rama.
Kryeministri kujtoi se, “për Vlorën u bë procedura në 2019 dhe pastaj u bllokua në fillim të 2020-ës, sepse kompanitë e interesuara kërkuan shtyrje për shkak të COVID-it dhe pastaj COVID-i e shpartalloi fare gjithë industrinë përkatëse dhe mbeti zvarrrë për t’u rihapur prap. U rihap përsëri dhe tani më në fund është mbyllur procedura, ka dy konkurrentë, kur të dalë fituesi do të marrim frymë lirisht dhe menjëherë do të fillojmë punën për të çelur Sarandën dhe në momentin kur të kemi lidhur kontratën me Vlorën do të jemi bërë gati të çelim aeroportin e Sarandës”.