Gjallica, shperndarja e parave ne vjeshte

Ne vjeshte te ketij viti pritet te kompensohen te 82 mije kreditoret e ish-kompanise piramidale "Gjallica" ne masen 2.41 per qind. Aktualisht, kompania "Gjallica" eshte e vetmja kompani, e cila ka kaluar ne hije dhe kreditoret e saj nuk kane arritur te perfitojne asgje nga shumat e parave qe kane depozituar. Me gjithe fillimin e procesit te shperndarjes se ketyre parave, perqindja qe do jepet ne raport me kreditoret e kompanive te tjera eshte shume e vogel, cka fakton edhe njehere abuzimet qe jane bere me llogarite bankare dhe me pronat e "Gjallices". Sipas burimeve zyrtare te qeverise, te ardhurat financiare, te realizuara nga shitja e aseteve te shoqerise "Gjallica", dhe te depozituara ne banke, jane ne shumen 937 milione leke, nderkoh qe detyrimi i mbetur qe kompania ka ndaj kreditoreve 38,7 miliarde leke. Sipas te dhenave te Grupit Mbikeqyres, aktiviteti i kompanise se dyte huamarrese ne vend gjate viteve 1992-1996 ka mbetur totalisht i pakontrolluar dhe nuk dihet se ku kane perfunduar 51.5 miliarde leket qe kane depozituar kreditoret shqiptare.