Gjendet nje kufome ne lumin Shkumbin

Një kufomë e seksit mashkull është gjetur rreth mesditës në anë të lumit Shkumbin në afërsi të kombinatit metalurgjik në Elbasan. Trupi i pa jetë është zbuluar në anë të rrjedhës së lumit nga banorë të rastësishëm të cilët kanë njoftuar policinë. Kjo e fundit ka transportuar kufomën në morgun e spitalit të Elbasanit.

Sipas të dhënave kufoma i përket një personi të seksit mashkull i moshës rreth 30 vjeç. Nga kqyrja paraprake e trupit rezulton se ai është mbytur disa ditë më parë. Aktualisht është duke u bërë autopsia për të përcaktuar shkakun e vdekjes dhe nëse ka shenja dhune apo jo.