Gjendje e jashtëzakonshme në Kirgizi (Video)

Bishkek, Kirgistan, 7 Prill - Ministria e shëndetësisë e Kirgizisë thotë se së paku 17 vetë janë vrarë dhe afro 180 të tjerë janë plagosur, në përleshjet ndërmjet policisë dhe protestuesve antiqeveritarë. Protestuesit po kërkojnë dorëheqjen e presidentit Kurmanbek Bakijev.

Ngjarja ndodhi jashtë presidencës së Kirgizisë, në kryeqytetin Bishkek, kur shpërthyen të shtënat ndërmjet forcave të sigurisë dhe njerëzve që ishin në turmën e demonstruesve kundër Qeverisë.

Video: swfobject.embedSWF('http://www.youtube.com/v/0L1srqYLnu8','avreloaded0','300','240','9.0.28','/plugins/content/avreloaded/expressinstall.swf', false,{wmode:'opaque',bgcolor:'#FFFFFF'},{id:'p_avreloaded0',styleclass:'allvideos'});

Mediat raportojnë se në kryeqytetin Bishkek protestuesit kanë depërtuar në Parlamentin e Kirgizisë, ndërsa nga Zyra e prokurorisë është parë flakë.

Bëhet e ditur se mijëra demonstrues e rrethuan presidencën në Bishkek, për të kërkuar dorëheqjen e presidentit Kurmanbek Bakiev.

Asnjë stacion televiziv nuk transmeton program, pasi protestuesit e zemëruar kanë depërtuar në selinë e ndërtesës së Televizionit shtetëror gjatë protestave anti-qeveritare, që u shndërruan në të dhunshme.

Presidenti Bakijev ka shpallur gjendje të jashtëzakonshme në kryeqytetin Bishkek ndërkohë që në qytetin verior, Talas, gjatë natës protestuesit e kanë rimarrë kontrollin ndaj një ndërtese qeveritare dhe kanë kërkuar dorëheqjen e presidentit Bakiev. Protesta janë mbajtur edhe në qytetet Osh dhe Tokmok.