Gjin Ndreu, riarrestohet njeriu me "pistoletë"
Një ditë pas lirimit nga gjykata, policia e Tiranës ka arrestuar sërish Gjin Ndreun, personin i cili u kap me armë në demonstratën e 21 janarit.
Këtë herë Ndreu arrestohet për kundërshtim dhe goditje të forcave të policisë në demonstratën e 21 janarit.
Ndërkohë gjykata vendosi ditën e djeshme masën detyrim-paraqitjeje për 34 vjeçarin Gjin Ndreu me arsyetimin se ai nuk mbante armë në demonstratë por një çadër.
Por sipas policisë ky person ka qenë i armatosur me armë zjarri tip pistoletë në momentin që tentonte të hynte me forcë në kryeministri dhe për këtë policia ka paraqitur edhe filmime të kamerave të sigurisë.