Gjirokastër, bonusi i bebeve për emigrantët, në 8 muaj e përfitojnë 18 prindër

Nga fillimi i këtij viti e deri tani, 18 prindër   në Bashkinë Gjirokastër  të cilët jetojnë jashtë vendit kanë përfituar bonusin e bebes, një ndihmë financiare e cila synon të mbështesë familjet e reja.  Ky bonus,  për sa i përket emigrantëve  jepet vetëm prindërve që jetojnë të paktën 180 ditë në Shqipëri nga dita e parë e lindjes së fëmijës, është i vlefshëm edhe për ata që kanë lindur në spitale private ose jashtë shtetit.

Për të përfituar bonusin, njëri prej prindërve duhet të paraqitet pranë zyrave përkatëse për të plotësuar dokumentacionin e nevojshëm.

Ndryshimi i ligjit ka bërë që vetëm ata prindër që përmbushin këto kritere të mund të marrin këtë ndihmë, duke synuar të inkurajojë qëndrimin dhe jetesën në vend.

Gazetare: E. Dyrmishi

/RTSH/