Gjykata Kushtetuese vendos sot për “fatin” e presidentit Ilir Meta

Gjykata Kushtetuese do të mblidhet sërish sot, më 3 shkurt për të shqyrtuar kërkesën për shkarkim nga detyra që parlamenti shqiptar ka bërë për presidentin Ilir Meta. Zoti Meta akuzohet se ka shkelur kushtetutën në zgjedhjet e kaluara të 25 prillit. Seanca e kaluar zgjati 10 orë me debate të shumta. Në seancën e shkuar presidenca paraqiti disa kërkesa që u hodhën poshtë nga gjykata. Kjo është hera e dytë që parlamenti shqiptar kërkon shkarkimin e zotit Meta.