Gjykata e Larte gati relacionet per kandidatet
Islamaj merr miratimin e mazhorances rrezohet Bejleri. Ende ne shqyrtim vendimi per kandidatin e trete
Komisioni i Ligjeve perfundon seancat degjimore me kandidatet per Gjykaten e Larte. Per tri dite ky komision ka zhvilluar seanca degjimore me te dekretuarit nga Presidenti i Republikes Bamir Topi ku ka marre nje informacion me te zgjeruar per punen e bere nga kandidatet gjate te gjitha viteve te ushtrimit e profesionit te tyre. Seancat degjimore kane nisur me kandidatin Edmond Islamaj per te vijuar me tej me Manjola Bejlerin dhe me Shkelzen Selimin. Pas zhvillimit te ketyre seancave jane drejt perfundimit edhe relacionet perkatese te cilat pritet te shqyrtohen javes tjeter per shkak te ndryshimit te kalendarit te Komisionit te Ligjeve. Burime nga mazhoranca bejne te ditur se pas shqyrtimit te ketyre kandidaturave do te propozohet per tu miratuar kandidati Islamaj nderkohe qe nuk ka ende nje vendim perfundimtar per Selimin.
Relacionet
Deputetet e mazhorances te caktuar nga Komisioni i Ligjeve kane bere gati relacionet per kandidatet e Gjykates se Larte. Keto relacione pritej te shqyrtoheshin sot ne Komisioni e Ligjeve por kjo mbledhje eshte shtyre. Sipas relacioneve te cilat pritet te marrin edhe doren e fundit pritet qe Komisioni i Ligjeve ti rekomandoje Kuvendit te jape pelqimin per kandidatin Edmond Islamaj. Ky relacion eshte pergatitur nga deputeti i PD-se Edi Paloka. Nderkohe qe note negative pritet te marre Manjola Bejleri nepermjet relacionit te pergatitur nga ligjvenesja demokrate Paulina Hoti ndersa vendimi per Shkelzen Selimin eshte ende ne shqyrtim. Seanca degjimore me te u zhvillua dje dhe relatori eshte Astrit Bushati. Gjate seances degjimore te zhvilluar me kandidatin Islamaj eshte theksuar puna e mire e bere prej tij kjo duke u bazuar edhe tek statistikat e institucioneve sipas te cilave ne 18 vite pune ndaj tij kishte pasur vetem 9 ankesa edhe keto te rrezuara. Ai ka dhene me tej pergjigje per pasurine e tij por dhe mendime lidhur me sistemin gjyqesor apo mbledhjen e Konferences se Gjyqtareve. Ndersa kur i eshte kerkuar informacion nga deputeti Enkelejd Alibeaj per nje raport te dy eksperteve te Keshillit te Evropes ku thuhej se gjyqtaret paguajne para per transferime nga nje pozicion me i ulet ne nje me te larte ai deklaroi Nuk do doja kurrsesi ta besoja nje gje te tille. Sa i perket personit tim dhe veprimtarise sime si anetar i KLD-se ne menyren me absolute nuk e mendoj dot qe do isha nje anetar me te tille parametra si pershkruhet ne raport - sqaroi ai. Seanca me kandidaten Bejleri nuk ka qene aq e qete sa e para. Gjate seances degjimore ne Komisionin e Ligjeve deputeti demokrat Fatos Hoxha i ka kujtuar Bejlerit qendrimin e saj kunder ligjit te dosjeve duke shtuar se deklarata e saj rreth ketij ligji kishte pasur prapavije politike. Hoxha kujtoi ne kete kuader edhe qendrimin e kandidates kunder ligjit per funksionimin dhe organizimin e sistemit gjyqesor ndersa e pyeti nese i qendronte ende ketij arsyetimi. Por kandidatja Bejleri theksoi se te dyja ligjet e mazhorances ishin ne kundershtim me Kushtetuten dhe te shpallura nga Kushtetuta e Komisioni i Venecias si antikushtetuese. Edhe deputetja demokrate Mesila Doda theksoi se qendrimi i Bejlerit kunder ligjit te dosjeve shpjegohej me faktin se kandidatja kishte pasur babane gjyqtar ne regjimin komunist i cili prekej nga ligji ne fjale. Seanca e trete degjimore ka vijuar me kandidatin Shkelzen Selimi i cili ka sqaruar pozicionin e tij lidhur me kriterin ligjor e te pasurit 10 vjet pune si gjyqtar per tu zgjedhur si anetar i Gjykates se Larte. Selimi duke e konsideruar edhe vitin e fundit te magjistratures i cili eshte vit stazhi si eksperience pune tha se e ka plotesuar kete kriter. Me vendim te KLD-se ne 2 shtator 1999 une jam emeruar perkohesisht ne Gjykaten e Krujes. Sipas ligjit me paraqitjen ne kete gjykate me 11 shtator une kam bere betimin ne prani te kryetares dhe trupes gjyqesore. Qe nga ajo dite se kam hequr togen e gjyqtarit. Ne kete kontekst periudha nga 2 shtator 1999 deri 16 shtator 2000 ne te gjitha aspektet eshte karriere profesionale - tha ai. Selimi nuk ka mohuar presionet apo tentativat per korrupsion gjate punes se tij por ka deklaruar se gjithmone e ka kryer punen duke u bazuar vetem ne ligj. Ai eshte shprehu me tej pro heqjes se makinave per gjyqtaret si dhe per kufizimin e imunitetit te tyre.