Gjykata e Lartë shqyrton më 23 prill kërkesën e Ilir Metës për lirimin nga burgu

Gjykata e Lartë ka vendosur të marrë në shqyrtim më datë 23 prill rekursin e ish-presidentit dhe kreut të Partisë së Lirisë, Ilir Meta, i cili ka kërkuar lirimin nga burgu. Deri më tani, kërkesat e tij të paraqitura në Shkallën e Parë dhe në Apel janë rrëzuar.

Sipas mbrojtjes së Metës, rrethanat kanë ndryshuar pasi dosja ndaj tij ka kaluar për gjykim. Rekursi do të shqyrtohet nga trupa gjyqësore e përbërë nga Ilir Panda, Albana Boksi dhe Genta Shala.

Meta akuzohet për veprat penale “korrupsion pasiv”, “pastrim parash” dhe “fshehje të pasurisë”.

/rtsh.al/