Gjykata liron Limajn dhe ish-ushtarët e UÇK nga arresti shtëpiak
PRISHTINE- Dhjetë ish-pjesëtarët e Ushtrisë Çlirimtare të Kosovës-në mesin e të cilëve edhe Fatmir Limaj-të akuzuar për krime lufte në rastin Kleçka, janë liruar sot nga arresti shtëpiak.
Misioni Evropian për forcimin e sundimit të ligjit në Kosovë, njoftoi përmes një komunikate për shtyp se vendimi është marr të enjten pasdite nga një panel gjykues i Gjykatës Themelore të Prishtinës.
Avokatët mbrojtës të Fatmir Limajt kishin parashtruar disa herë ankesë për heqjen e masës së arrestit shtëpiak për klientin e tyre.
Gjykata ndërkaq i ka urdhëruar të dhjetë të akuzuarit që njëherë në ditë të lajmërohen në polici, transmeton Radio Evropa e Lirë.
Gjykata Themelore si masë tjetër preventive ka konfiskuar edhe dokumentet e udhëtimit të të akuzuarve. Këto masa do të vlejnë deri në nxjerrjen e verdiktit të Gjykatës për Rastin Kleçka, i cili pritet të shpallet brenda dy muajve të ardhshëm.
(e.m/BalkanWeb)
Misioni Evropian për forcimin e sundimit të ligjit në Kosovë, njoftoi përmes një komunikate për shtyp se vendimi është marr të enjten pasdite nga një panel gjykues i Gjykatës Themelore të Prishtinës.
Avokatët mbrojtës të Fatmir Limajt kishin parashtruar disa herë ankesë për heqjen e masës së arrestit shtëpiak për klientin e tyre.
Gjykata ndërkaq i ka urdhëruar të dhjetë të akuzuarit që njëherë në ditë të lajmërohen në polici, transmeton Radio Evropa e Lirë.
Gjykata Themelore si masë tjetër preventive ka konfiskuar edhe dokumentet e udhëtimit të të akuzuarve. Këto masa do të vlejnë deri në nxjerrjen e verdiktit të Gjykatës për Rastin Kleçka, i cili pritet të shpallet brenda dy muajve të ardhshëm.
(e.m/BalkanWeb)