Godo: Do te nise me skemen e vetefinancimit te spitaleve
Skema e re e vetefinancimit te spitaleve dhe strukturave te tjera shendetesore, do te jene hallka e pare e reformes, ne shendetesi. Ministrja e Shendetesise Anila Godo, ne nje takim me drejtuesit e Shendetit Publik ne Tirane e rrethe, si dhe me specialiste ka folur rreth reformes, qe tashme pritet te konkretizohet ne fund te muajit prill me lidhjen e kontratave, nderkohe qe eshte shprehur se vete finacimi dhe pajisja me te gjitha mjetet e nevojshme, do te sjelle sherbimin e duhur dhe profesional prane pacienteve. "Institucionet shendetesore ne te gjitha nivelet duhet te funksionojne ne baze te nje logjike ekonomike, me rregulla te percaktuara qarte, duke respektuar te gjitha standardet per nje sherbim profesional cilesor, ne respekt te te drejtave te pacientit. Une sot shpreh bindjen qe duke u pajisur me instrumentet e nevojshme, ju do te jeni ne gjendje te realizoni me sukses, misionin tuaj te parandalimit te semundjes dhe te ruajtjes se shendetit", u shpreh Godo. Nderkohe ne takim eshte folur dhe per masat parandaluese qe duhet te marre Instituti i Shendetit Publik dhe Inspektorati Sanitar per sezonin e veres, gjate te cilit semundjet infektive jane dhe me te shpeshta ne popullate.