Gonxhja: Miratohet metodologjia dhe tarifat për shpërblimin e autorëve, një hap drejt standardeve të BE-së

Ministri i Kulturës, Turizmit dhe Sportit, Blendi Gonxhja, ka bërë të ditur përmes një postimi në rrjetin social Facebook, miratimin e metodologjisë dhe tarifave të shpërblimit për veprat e mbrojtura nga e drejta e autorit.

Sipas Gonxhes, ky vendim përfaqëson një hap të rëndësishëm për garantimin e shpërblimit të drejtë për autorët, krijuesit dhe mbajtësit e të drejtave, si dhe për respektimin e kornizës ligjore kombëtare dhe përafrimin me standardet e Bashkimit Evropian.

“Miratohet metodologjia dhe tarifat e shpërblimit të veprave të mbrojtura nga e drejta e autorit!

Ky vendim është një hap i rëndësishëm për:

–garantimin e shpërblimit të drejtë dhe të arsyeshëm për autorët, krijuesit dhe mbajtësit e të drejtave;

–respektimin e kornizës ligjore kombëtare dhe përafrimin me standardet e Bashkimit Evropian 🇪🇺;

–krijimin e një mjedisi të qëndrueshëm dhe ekonomikisht të përballueshëm për të gjithë përdoruesit e veprave;

-rritjen e mundësive të shpërblimit për të gjithë mbajtësit e të drejtave, duke shtrirë pagesën nga të gjithë përdoruesit”, shkruan Gonxhja.

/rtsh.al/