Gonxhja apel të rinjve: Arsimi profesional, mundësi të hyni në tregun e punës

TIRANË, 31 korrik /ATSH/ Arsimi profesional konsiderohet si rruga e sigurt drejt punësimit real, ndaj dhe qeveria po mbështet me politika të veçanta kualifikimin e të rinjve në përputhje me nevojat e tregut të punës.

Ministri i Ekonomisë, Kulturës dhe Inovacionit, Blendi Gonxhja, ndau sot në rrjete sociale një video sensibilizuese për të rinjtë, mbi rëndësinë e arsimit profesional për tu integruar në tregun e punës.

“Arsimi Profesional ofron mundësi për të ndjekur ëndërrat tuaja dhe njëkohësisht të hyni në tregun e punës me sukses”, shkroi Gonxhja.

Gonxhja njoftoi se regjistrimet kanë filluar.

“Zgjidhni mes një nga 22 drejtimeve për një arsim praktik, të shpejtë dhe plot mundësi. Rregjistrohu tani përmes e-ALBANIA, në shërbimin “Regjistrim në klasë të dhjetë””, informoi Gonxhja, teksa bëri të ditur se, të gjithë të interesuarit mund të mësojnë meshumë duke klikuar në faqen www.aftesi.al